Tarixçə

Azərbaycan Respublikası Təhsil Nazirlinin müvafiq əmrinə əsasən milli və ümumbəşəri dəyərləri özündə əks etdirən, müasir, keyfiyyətli və sistemli təhsilin inkişafı məqsədilə 2010-cu ildə Evrika liseyi adlı müasir təhsil müəssisəsi yaradıldı. Lisey 2012-2013 -cü tədris ilindən fəaliyyət göstərir. Liseydə I-XI sinif şagirdləri üçün Azərbaycan, rus, ingilis bölmələri üzrə təhsil sistemi qurulmuşdur. Evrika liseyi beynəlmiləl təhsil ocağıdır. Burada azərbaycanlı şagirdlərlə yanaşı, digər millətlərdən olan şagirdlər də təhsil alırlar. Liseydə onların hərtərəfli təhsil alması üçün bütün şərait var. Liseydə xarici dillərdən rus dili, ingilis dili, fransız dili, alman dili bu sahədə ixtisaslaşmış müəllimlər tərəfindən tədris olunur, bu da təhsil müəssisəsində digər millətlərin nümayəndələrinin də təhsil almağına imkan verir. Şagirdlərimiz Azərbaycanın uğurlu gələcəyidir.